ECOVOZ | O colexio é de Xunqueira de Ambía, en Ourense
29 abr 2024 . Actualizado a las 05:00 h.O CEIP Padre Crespo, de Xunqueira de Ambía, en Ourense (foto de arquivo), converteuse o venres no terceiro semifinalista desta edición do Ecopreguntoiro. O equipo estivo formado polos seguintes alumnos de sexto de primaria: Artai Bande Iglesias (voceiro), Mikel Fernández Bérgoa, Roi Varela Montes, Carlota Cid Sánchez e Gaia Fernández Agilda (suplente). Con eles, o colexio ourensán venceu por 10-1 ao CPR Plurilingüe La Encarnación, de Caldas de Reis, (Pontevedra) tras aproveitar varios rebotes. O rival nas semifinais do CEIP Padre Crespo sairá do enfrontamento entre dos centros lucenses, o CEIP Celeiro e o CEIP Rosalía de Castro, que se emitirá este venres (17.00).